किताबका पाना पल्टाउँदै माघी आयो आमा, 

मन त मेरो गाउँकै तिर उडी गयो आमा।

साथीभाइ जम्मा भई खिचडी खाएको देख्दा, 

तिम्रो हातको सम्झनाले आँखा रसायो आमा।

"छोरा/छोरीले के खायो होला?" भन्दै पीर गर्यौ होला, 

तिमीले पोलेको तरुलको स्वाद मनमा रह्यो आमा।

बिहानै उठि नुहाई-धुवाई ढोग्न पाउँदिन आज,

 मोबाइलको स्क्रिनमै तिम्रो फोटो हेर्नु भयो आमा।

पढेर ठुलो मान्छे बन्नु भन्थ्यौ सधैँ तिमीले, 

त्यही सपना पूरा गर्न यो चाड टाढै भयो आमा।